"أهلا وسهلا مرحبا يا من أتيتم عندنا"
Home » » Nadham I'tikeut Lam Bahsa Aceh

Nadham I'tikeut Lam Bahsa Aceh

Written By Darul Ihsan on Selasa, 13 Mei 2014 | 09.19




20 Sifeut Nyang Wajeb, 20 Nyang Mustahil 
Saboh Nyang Jaiz Nibak Allahu Ta’ala

Wujud                                  :     Na zat Allah, mustahil hana zat Allah
Qidam                                  :     Cit kana zat Allah, mustahil dudoe na zat Allah
Baqa’                                    :     Kekal zat Allah, mustahil fana zat Allah
Mukhalafatuhu lil hawadits :     Hana ngon sa zat Allah, mustahil na ngon sa zat Allah
Qiyamuhu bi nafsihi             :     Tan meuhajat zat Allah, mustahil meuhajat zat Allah
Wahdaniyah                         :     Sidroe zat Allah, mustahil na dua lhe zat Allah
Qudrah                                 :     Kuasa zat Allah, mustahil leumoh zat Allah
Iradah                                   :     Neumeukhendak zat Allah, mustahil hana neumeukhendak zat Allah
Ilmu                                      :     Neutumupeu zat Allah, mustahil jahil zat Allah
Hayah                                   :     Hudep zat Allah, mustahil mate zat Allah
Sama’                                   :     Neumeudengoe zat Allah, mustahil tuloe zat Allah
Bashar                                  :     Neukeumalon zat Allah, mustahil buta zat Allah
Kalam                                   :     Neumarit zat Allah, mustahil bisu zat Allah
Qadirun                                :     Allah nyang kuasa, mustahil Allah nyang leumoh
Muridun                               :     Allah nyang meukhendak, mustahil Allah nyang hana neumeukhendak
‘Alimun                                :     Allah nyang teumupeu, mustahil Allah nyang jahil
Hayyun                                :     Allah nyang hudep,  mustahil Allah nyang mate
Sami’un                                :     Allah nyang meudeungoe, mustahil Allah nyang tuloe
Bashirun                               :     Allah nyang keumalon, mustahil Allah nyang buta
Mutakallimun                       :     Allah nyang meututoe, mustahil Allah nyang bisu

Sifeut Nyang Jaiz Bak Allah Ta'ala Na Saboh Sifeut, Neupeujeut Segala Mumkin


Nadham Nyoe Keuneubah Ulama Awai, Kamoe Teurimong, Kamoe Meurunoe ngon Kamoe Hafai Nibak Gure-Gure Yoh Wate Kamoe Mantong Cut...Nyoe Keuh Aqidah Rasululah Saw, Aqidah Sahabat ngon Tabi'in, Ulama Salaf ngon Khalaf, Aqidah Chik-Chik Geutanyoe, Ulama Awai Meunan Cit Ulama Dudoe. Nyoe Keuh Aqidah Ahlussunnah Wal Jam'ah Nyang Geupesaho Le Imeum Abu Hasan al-Asy'ari ngon Abu Manshur al-Maturidi. Ureung Nyan Bandua, Geupeusahoe Aqidah Rasul ngon Shabat, Lage Nyang Ka Geupubuet Le Imeum Hanafi, Maliki, Syafi'i, Hanbali, Ureung Nyoe Ban Peut Geupesaho Syari'at Rasul, Kon Geuba Agama Baroe, Lage Gop Kheun. 
Kamoe Lake Nibak Droe Neuh Nyang Heut Neupeuguna Nadham Nyoe,  Neuhadiah Pahla Fatihah Sigoe Troh Keu Ulama Ngon Teungku-Teungku Nyang Ka Geutem Peutimang ngon Geukembang Nadham Aqidah Nyoe, Sampoe Troh an Geutanyoe Uroe Nyoe..Nibak Allah Po Teuh Sidroe ta Meulake Beuroh Mate Geutanyoe Ateuh Aqidah Nyoe, Beugeupeusahoe Geutanyoe Roh Lam Kawan Ulama, Ureung-Ureung Shaleh, Aulia Allah, Shiddiqin, Meunan Cit Sajan Saidil Mursalin Nabi Muhammad nibak Uroe Dudoe…Amiin-Amin Ya Rabbal ‘Alamin


Geupeusaho ngon Geutuleh Kelai Le Ureung Hina Teungku Edi Syuhada, Salah Sidroe Khadam Thalabah Bak Dayah“Darul Ihsan” Abu Krueng Kalee. 
Bagikan ke:

Posting Komentar

 
Website Resmi © Yayasan Teungku Haji Hasan Krueng Kalee Dayah Darul Ihsan – All Rights Reserved